Saluton homoj,

Mi ĝoje disvastigas videon faritan en 2008, sed kiu estis enretigita antau nelonge. La videoj temas interalie pri mia vojaĝo al Europo en 2006, kiu estis ligita al la premio de Partoprenu IJK-n de 2006. Jen la video:

unua parto: http://www.youtube.com/watch?v=BTPxDD47Mgg

dua parto: http://www.youtube.com/watch?v=As-Vk2N3yJc

Jen interesa detalo: la raportisto (Fábio Monteiro) kiu intervjuis min por la unua video, tiam apenau sciis pri kio temis esperanto. Ŝajne lia impreso estis bona, ĉar li tuj post esperantistiĝis kaj fariĝis aktiva esperantisto.

Vidu la kvaliton de video pri loka festo de Fortaleza (mia urbo) kiun li faris post eklerno. Atentu ankau pri lia scipovo kaj klareco de sia prononcado, post malmulte da tempo de lernado de nia kara lingvo: http://www.youtube.com/watch?v=ffIŝ8SBBkI

Pasintsabate mi renkontiĝis kun li kaj aliaj junaj esperantistoj el Fortaleza kaj babilis dum pli ol 4 horoj, nun 1a foje esperante.

Tiel oni vidas kelkajn eĥojn de la efiko de la konkurso Partoprenu IJK-n.

Interese, ĉu ne?

amike,

Leandro Souza Moreira

Fortaleza - BRAZILO

Eks-prezidanto de BEJO (2008-2010)

http://eo.wikipedia.org/wiki/Uzanto:Leandro_Souza_Moreira